ZEROKRIM® CH Chewable Tablets (ခွေးနှင့်ကြောင်များအတွက် သန်ချဆေး)

ZEROKRIM® CH သန်ချဆေး (Broad-Spectrum Dewormer) ZEROKRIM® CH သည် ခွေးနှင့် ကြောင်များအတွက် အစာအိမ်နှင့် အူလမ်းကြောင်းရှိ သန်ကောင်များကို ထိရောက်စွာ ဖယ်ရှားပေးနိုင်သော သန်ချဆေးဖြစ်ပါသည်။ ဆေးပြားတစ်ပြားတွင် Praziquantel (50 mg), Pyrantel Pamoate (144 mg) နှင့် Fenbendazole (500 mg) ဟူသော Active Ingredients (၃) မျိုး ပါဝင်ပြီး တိရစ္ဆာန်လေးများ အလွယ်တကူ ဝါးစားနိုင်သော (Chewable Tablet) အမျိုးအစား ဖြစ်ပါသည်။

ကာကွယ်ကုသနိုင်သော သန်ကောင်အမျိုးအစားများ (Indications):

• တုတ်ကောင် (Ascarids): Toxocara canis, Toxascaris leonina (အကောင်ကြီးနှင့် ကြီးထွားဆဲအကောင်များ)
• ချိတ်သန်ကောင် (Hookworms): Uncinaria stenocephala, Ancylostoma caninum (အကောင်ကြီးများ)
• ကြာပွတ်သန်ကောင် (Whipworms): Trichuris vulpis (အကောင်ကြီးများ)
• သန်ပြားကောင် (Tapeworms): Echinococcus spp., Taenia spp., Dipylidium caninum

တိုက်ကျွေးရန် အညွှန်းနှင့် ပမာဏ (Dosage & Administration): ခန္ဓာကိုယ်အလေးချိန် (၁၀) ကီလိုဂရမ် (10 kg) လျှင် ဆေး (၁) ပြားနှုန်း တိုက်ကျွေးရန်ဖြစ်ပါသည်။ ဆေးကို ပါးစပ်မှ တိုက်ရိုက်ဖြစ်စေ၊ အစာနှင့်ရော၍ဖြစ်စေ တိုက်ကျွေးနိုင်ပြီး ဆေးမတိုက်မီနှင့် တိုက်ပြီးနောက် အစာဖြတ်ထားရန် (Starvation) မလိုအပ်ပါ။

အလေးချိန်အလိုက် တိုက်ကျွေးရန် လမ်းညွှန် (Dosage Guide):

• ခွေးငယ်လေးများ (Puppies & Small dogs):
• ၁/၂ မှ ၂ ကီလိုဂရမ် (½–2 kg): ဆေး ၁/၄ ပြား (¼ Tablet)
• ၂ မှ ၅ ကီလိုဂရမ် (2–5 kg): ဆေး ၁/၂ ပြား (½ Tablet)
• ၆ မှ ၁၀ ကီလိုဂရမ် (6–10 kg): ဆေး ၁ ပြား (1 Tablet)
• အလယ်အလတ် ခွေးများ (Medium dogs):
• ၁၁ မှ ၁၅ ကီလိုဂရမ် (11–15 kg): ဆေး ၁ ပြားခွဲ (1½ Tablets)
• ၁၆ မှ ၂၀ ကီလိုဂရမ် (16–20 kg): ဆေး ၂ ပြား (2 Tablets)
• ၂၁ မှ ၂၅ ကီလိုဂရမ် (21–25 kg): ဆေး ၂ ပြားခွဲ (2½ Tablets)
• ၂၆ မှ ၃၀ ကီလိုဂရမ် (26–30 kg): ဆေး ၃ ပြား (3 Tablets)

ပုံမှန်တိုက်ကျွေးရန် အချိန်ဇယား (Routine Treatment):

• ခွေးပေါက်လေးများ: အသက် (၂) ပတ်သားမှ စတင်တိုက်ကျွေးနိုင်ပြီး အသက် (၁၂) ပတ်ရောက်သည်အထိ (၂) ပတ်လျှင် တစ်ကြိမ် တိုက်ကျွေးပါ။ ထို့နောက် (၃) လလျှင် တစ်ကြိမ် ပုံမှန်တိုက်ကျွေးနိုင်ပါသည်။ မိခင်ခွေးမကြီးကိုလည်း ခွေးပေါက်လေးများနှင့် တစ်ချိန်တည်း တိုက်ကျွေးရန် အကြံပြုပါသည်။
• ခွေးကြီးများ: (၃) လလျှင် တစ်ကြိမ် ပုံမှန်တိုက်ကျွေးပါ။ သန်ကောင်ကျရောက်မှု များပြားပါက (၁၄) ရက်အကြာတွင် ထပ်မံတိုက်ကျွေးနိုင်ပါသည်။

သတိပြုရန် (Precautions):

• ကိုယ်ဝန်ဆောင်ခွေးမများတွင် သတ်မှတ်ထားသော ပမာဏထက် ပိုမတိုက်သင့်ပါ (ဆေးမတိုက်မီ တိရစ္ဆာန်ဆရာဝန်နှင့် တိုင်ပင်ရန် အကြံပြုပါသည်)။
• Piperazine ပါဝင်သော ဆေးများနှင့် တွဲဖက်၍ အသုံးမပြုရပါ။

သိမ်းဆည်းရန် (Storage): အပူချိန် ၃၀°C အောက် ခြောက်သွေ့သောနေရာတွင် ထားပါ၊

နေရောင်ခြည် တိုက်ရိုက်မထိတွေ့အောင် သိမ်းဆည်းပါ။

ကလေးများ လက်လှမ်းမမီသော နေရာတွင် ထားပါ။